عذرا اننا نكرهكم!

لو ولع  او اضاء لنا الحزب الوطنى صوابعة العشر شمعا ورصف لنا شوارع مصر  وحواريها ذهبا وفضة ثم تبرع رجال الحزب الاثرياء بكل ثرواتهم ثم جاءوا  باشخاص او شخوص كما الملائكة فى السماء ليحكموننا ويمنحونا كل حقوقنا و وووو لرفضنا كل ذلك وابينا ان يحكمنا هولاء لطلعة شمس اخرى  لماذا لايحاولوا بذل مزيدا من الجهد ليفهموا اننا نكرههم نمقتهم ونلعن تلك الايام السوداء التى اجبرنا القدر على ان نعيشها معهم فى وطن واحد تظلنا سماء واحدة ويجمعنا علم  واحد. 
 هم فى واد وباقى الشعب فى واد تانى   خالص  ! انا لااعتقد انهم يصدقوا ان الشعب بيحبهم؟ اولا حيعرفوا منين الشعب   دى ناس جاية من الجامعة الاميركية وناس تكنوقراط يعنى موظفين ودكاترة جامعة مفهمش  حتى سياسى محترف او واحد لامواخذة تربية رصيف اقصد لجنة السياسات .الرئيس السادات رحمة اللة كان يفتخر انة كان بيبع كرشىة فى الشارع .ثانيا اكيد تقارير امن الدولة والمخابرات بتبلغهم يوميا بمشاعر الشعب   طيب انا اقدر افهم انهم بيقولوا زى مامشيت وعديت ال تلاتين سنة اللى فاتوا تمشى وتعدى ال تلاتين سنة اللى جاية كمان ودة مستحيل  لية؟ لا تمشى ولاحتعدى المرة دى صدقونى وياريت حد منهم يكون بيقرا المدونة ؟ويصدقنى مش حتعدى وموضوع التوريث مش حيمشى واستحالة ان الووضع دة يستمر. طب لية  اولا لان ارادة اللة فوق كل شى ويمكروا ويمكر اللة واللةخيرالماكرين  ان القدر  لن يخدمهم اكتر من ماخدمهم  ان العالم قد تغير تماما وماكان يصرف بالامس لم يعد يصرف باليوم والثورة المعلوماتية والفضائيات والن تكل ذلك فى صف المقاومة وليس فى صف الحزب او لجنة السياسات لدنيا اتغيرت وحتى الشباب اللى طالع غيرنا احنا يمكن اتربينا  على قبول الامر الواقع لكن الاجيال اللى طالعة شايفة ادينا من حواليها وشايفة ان فنزويلا فيها نزاهةانتخابات واشراف دولى واوكرانيا و حركتهاا البرتقالية والهند وحتى ايران فيها انتخابات فيها حراك! مفيش مياة راكدة اسنة الا عندنافمن يلقى بالحجر فى تلك المياة؟ ام ان الحجر قد القى ولم يعدفى استطاعة احد ان يقف ضد التيار!!