الجمعة، 4 فبراير 2011

اجمل ماسمعت من كلمات ناس عادية اوى واظرف ماقالة شاب صعيدى لبلدهم

بلا شك انها ثورة ثورة بجد وبحق وحقيقى وباعتبارى دارس وعاشق للتاريخ ومتخصص امضيت فى دراستة والتعامل معة معظم سنوات عمرى استطيع ان اوكد لكم انها ثورة ومش اى ثورة كمان دى ملحمة اشبة مثلا بثورة 1919 وواوكد لكم  انها قدمت تضحيات اكبر واعظم من ثورة 1919كما ان ثورة 25 يناير وان كانت تواجة نظام مصرى يقودة مصريون الا انهم اكثر نذالة وخسة وسفكا لدماء المصريين من الانجليز بجد دة مش كلام انشا الانجليز مش اوساخ كانوا زى صفوت الشريف وفتحى سرور وحبيب العادلى وجمال مبارك واحمد عز وباقى شلة الاقذار الانجليز كانو يوجهونالمصريين مباشرة فيس2 فيس بشرف يعنى مش بياجروا بلطجية ويهجموا بجمال وخيول ويعتدوا لى النساء والبنات كان برضة فى شرف فى التعامل من الانجليز مش نذالة وحسالة ووضاعة نظام مبارك
 خلونى اقولك احلى كام جملة سمعتها ونكمل موضوع الثورة بعد كدة  واحد من اللجان الشعبية فى منطقتنا شاب عادى يمكن بائع متجول او فرشجى او عامل شكلة بيوحى بكدة مسكوا حرامى تالت يوم الثورة وهو بيمسكة بيقولوا اية: البلد دى كانت من تلات ايام مش بتاعتنا بس دلوقت بتاعتنا   واحد تانى فى جمعة الرحيل النهاردة فاتح التلفون وبيقول للى بيكلمة اسمع يا عم احمد اسمع بلادى بلادى (كان النشيد شغال ) اسمع وقول للناس فى رفح قولهم مصر كلها هنا   اظرف حاجة سمعتها يوم الاربعاء  قبل ما البلطجية يدخلوا
شاب صعيدى عرفتة من لهجتة طبعا بيكلم بالموبايل وبيقول للى بيكلمة  يا عيد يا عيد قولوهم فى البلد ان النسوان والبنات ام بنطلونات محزقة طلعوا المظاهرة ونتوا لسة مطلعتوش قولوهم يا عيد حتطلعوا امتى  الرجالة بتاعت بلدنا فين فضحتونا يا ولاد .. اخس على المرجلة  ياعيد محدش طلع ينفع يا عيد  العيال والبنات الخنافس يبقوا بميت راجل وحنا  قاعدين  على ط ..  قصدو المقعدة بس بالبلدى