انا مش قصير آذعة!1

انا مش قصيرآ ذعة انا طويل نخلة    . تخيل الرائع فواد المهندس وحسب وصفة طبيبة عبد المنعم مدبولى فى الفيلم الكوميدى الستينى الشهيرانة كلما كرر تلك الجملة وكلما زاد عدد ترديدة لها سيظن الناس انة طويل وليس آذعة كما هى الحقيقة وهكذا مضى الحزب على درب فواد المهند س ها على وعسى ان يصدق الناس انة مش اذعة وان كلة انجازات فى حملة غير مسبوقةفى رخامتها بكل وسائل الاعلام الارضية والفضائية حتى الاذاعة اللى الناس نسيتهالم ينساها الحزب مين قال ان معنديش انجازات انا كلى انجازات مين قال ان معنديش انجازات انا كلى انجازات. كل اعلان واعلان عن انجازات الحزب انجازات وانجازات حتى اختلط على الامر وظننت ان تلك الاعلانات عن الحزب الوطنى السويدى او الدنماركى باعتبار السويد والدانمارك حققا اعلى معدل رفاهية لشعوبهم ولكن اتضح الامر ان كل تلك الانجازات هى فى مصر ياااااة عمار يا مصر عمار يا مصر عمار يا حزب ياوطنى ونا اللى كنت ظالمك ياحبة عينى تعالى فى حضنى يا ضنايا كل تلك الانجازات ومتقولش وكاتم فى قلبك السنين دى كلها والشعب ياعينى فاكرك نايم على ودانك ومبتعمولش حاجة وسايبة يغرق فى المجارى وازراعات المجارى فعلا يام فى الحبس مظاليم
لكن الحمدللة انة اظهر الحق وطالما ان الحزب بيتعب لازم يتجازى امال اية اتعب واشقى وانهب ووزع اراضى على المحاسيب وعلى القرايب والاصهار وربنا حيكرمك طبعا طالما ماشى بالسليم الحمدللة لاحد من الحزب آتامر يوم على الشعب ولا هرب الرجل بتاع العبارة من اتخن بوابة فيكى يا مطار ولا حاجة كلة فى السليم يامعلم واحلى من الشرف مفيش على اللة يرحمة توفيق الذقن لاحد مالحزب باع مصانع ا لدخيلة للحديد ولاحد مالحزب اشترى الحمدللة كلة عشان نحافظ على طهارة اليد الانسان اية غير سمعتة وسيرتة مش كدة ولااية على راى برضة اللة يرحمة المرة دى فواد المهندس وبعدين عايز نقول لجماهير الحزب وجماهير شعبنا ان احنا مفيش على راسنا بطحة عشان نخاف وحنا لو كنا ادينا وسام شرف لابراهيم سليمان دة بس علشان احنا مش بتوع مشاكل وناس بنحب نمشى جنب الحيط والرجل لامواخذة يعنى انتوا عارفين بقى مش لازم افسر معاة ملفات وخكايات عن مارينا وشاليهات مارينا ولانسيتوا! وكمان معاة ملفات شارع التسعين فى القاهرة الجديدة ياترى اول عشرين قصر فى الشارع بتوع مين؟ دة سوال برى وبنية خالص للة سبحانة وتعالى ا

واما طريق مصر اسكندرية الصحرواى والكمبوندات اللى فية اللى اتباعت على انها اراضى زراعية مستصلحة فدة احنا ملناش دعوة ياعم دة خط احمر وحنا ناس بتفهم فى الاصول

طيب بالنسبة لموضوع التزوير بالانتخابات كلكوا عارفين ان حجة البليد مسح اية ؟ التختة طبعا امال المهزومين حيقولوا اية مفيش قدامهم غير يهلفطوا بالكلام تزوير طيب انا برد عليهم وبقولهم اذا كان على ان تم اكتشاف حالات للموتى اللة يرحمهم وهم بينتخبوا يا يا جماعة صبركوا باللة بلاش ظلم وافترا الناس دى قبل متموت موصية عيالها على الحزب وانهم لازم ينتخبوا الحزب اللى قصر ايامهم بالدنيا وخلاهم يطلعوا على الجنة حدف ناس وبترد الجميل مالكم انتوا بقى؟

وبالنسبة لمنع الناس من الذهاب لمقار اللجان الانتخابية يا جماعة اذا عرف السبب بطل العجب صح؟ صح طبعا عداك العيب

اللجان دى بتبقى فى ارياف ونتوا عارفين السلعوة موجودة فى الغيطان احنا خووفنا على الشعب اهلنا وناسنا وعزوتنا السلعوة مبترحمش يبقى دة جزاتنا عندنا حق ولا لا؟ عند هذة النقطة التوضيحية التى جلت الحقيقة الغائبة انطلقت حناجر جماهير مملكة السلطة الديمقراطية بالهتاف بالروح والدم والدم والروح

يتبع

نحن والغرب اشكالية الادب والحموم!

بعيدا عن السياسية لماذا يرى المصريون او العرب او المسلمون الغرب بنظرة سلبية لم يتحاملوا عل الغرب ان الغرب ونعنى بة جغرافيا اوربا الغربية واميركا وكندا واستراليا ونيوزلاند وكل تلك الدول التىتتمتع وتعيش فى ظل مبادءى وقيم مشتركة التى يطلق عليها الديمقراطية الغربية وحديثا اضيف اليهم بعض بلدان وسط وشرق اوربا .ان الكثيرين منا يختزلوا الغرب فى السياسة ويكنون بلاشك كراهية تتفاوت فى درجاتها حسب الشريحة الاجتماعية والموقف السايسى ولكن دعونا من السياسة سنعود اليهالاحقا . كلما ركبت متروا الانفاق فى مصر وشممت روائح العرق والنتانة على الصبح وشوفت الناس اللى نازلة مضروبة بميت جزمة من بيوتها والستات الشقيانة تذكرت متروا انفاق باريس او برشلونة او روما حيث متعة ركوب المترو حتى مع الزحام حيث الناس نازلة من بيوتها مستحمية وبشوشة نوعا ما تقابلك باتسامة الصباح حتى لو لم تعرفك والستات حتى لو بسيطة متعطرة على الاقل مستحمية وشعرها حتى لسة مبلول طبعا حتقولى ياعم دول ناس راحة تشوف اكل عيشها ! طيب اليس النظافة من الايمان مينفعش اكل عيش وحنا مستحميين على الاقل نبقى زى الناس فى الغرب واوربا اللى بنبصلهم على انهم يعنى لامواخذة كفرة استحم يا مومن استحم انها دعوة للحموم لكل المصريين قبل ميروحوا الشغل!!!!





تانى حاجة احنا لسة فى المترو فى الغرب الناس ذوق وكلها ادب فعلا لازم يستنوا الناس تنزل كلها وبعدين يطلعوا المترو لان المترو مش حيطير ولو واحد قليل الذوق وطلع المترو والناس نازلة كل كلها الناس حتبصلة باحتقار بجد لحد ميكرة نفسة هنا بقى اقسم لكم ان تلك الواقعة حقيقيةحكاة لى احداصدقاءى وهى ان واحد بعد مطلع المترو وقبل مالباب يقفل لطع واحد نازل على قفاة لانة فقط احتك بة وهو يصعد المتروراح رزعة قفا والباب قفل والمترو طلع والرجل المسكين قعد يجرى ورء المترو بس خلاص ولا حد طبعا عمل حاجة منتهى قلة الذوق عموما احنا كشعب مع بعض مفيش خد يستنى حد ولا فى اى ذوق لا فى مترو ولا اسانسير ولا اتوبيس ولا مطار ياااة ياعم اليس النظام والادب حث علية الاسلام والمسيحية وكل الاديان والكلام دة للاسف من ايام رفاعة الطهطاوى كتبة الكلام دة ممكن ياحدة البعض على انة هيافة وحاجات صغيرة لكن النظافة والادب دة لب و اساسيات الحياة

مين احسن الغرب اللى مش عاجب الناس هنا ولا حنا فى النقطتين دول على الاقل وللحديث بقيبة

الاصول العرقية للمصريين عرب ام فراعنة!!1

كثيرا من المصريين يقع فى حيرة من امرة هل نحن عرب ام فراعنة! و ويبدوا ان هناك حلقة مفقودة بالتاريخ المصرى وهى كيف تعربت مصر ولكن الحقيقة التاريخيةهى ان المسلمين المصريين هم فى غالبيتهم ابناء القبائل العربية المهاجرة التى وفدت على مصر منذ الفتح  جاء الجيش الاسلامى بقيادة عمرو بن العاص فى حوالى أربعة الالاف مقاتل ثم جاء المدد بقيادة الزبير بن العوام الصحابى الجليل فى اثنى عشر الف مقاتل وبعد ان تم فتح مصر وفدت القبائل العربية بكثرة على مصر وخاصة القبائل اليمانيةوابتنى  العرب مدينة الفسطاط وقسموها خطط بين القبائل بين كل قبيلة سكنت حى او خرطة و لم اجتاز العرب نهر النيل ابتنوا مدينة سموها الجيزة نسبة لانهم اجتازواالنيل وسكنتها القبائل ايضا ولم كانت مصر هى اغنى بلاد الارض وقتهاولم وجدت القبائل كل تلك الخيرات فى ارضها بعثت كل قبيلة تستلحق قبائلهاتستقوى بها ثم تزواجوا وانصهروا مع من اسلم من الاقباط مكونين النواة الاولى لمسلمى مصر 
ومن اشهر القبائل الاوائل التى استوطنت مصر بلى وثقيف وقريش والازد وقحطان والا نصار من الاوس والخزرج وجهينة وحاشد وبكيل وخزاعة وفزارة وربيعةوكنانة وغيرهم وسكنها بعض الصحابة وابتاعوا الدور فيهاكال عمرو بن العاص و ال الزبير بن العوام والكثير من انصار المدينة وجاء المسلمون للرباط فى ثغورها الاسكندرية ودمياط لصد الروم كما كان لحركة الارتباع و فيها كان الجيش المسلم يستريح عدة شهور مصر كل قبيلة اختارت لها قرية ترتبع فيهافى ريف  الدلتا وماحولهاوسرعان ما استوطنتها وسرعان ماخدث التواصل بين الفاتحين والاقباط الذين اسلمواابتدائت اللغة العربية فى الانتشار ببطء.وعندما تولى عبد العزيزبن مروان ولاية مصر مرسلا من ابية الخليفة مروان بن الحكم ارسل الى ابية رسالة يقول لة كيف المقام ببلد ليس بة احد من بنى ابى يقصد ان معظم القبائل العربية هى يمانية وقحطانية بمصرفامر الخليفة بتسيير ثلث قبائل قيس التى بالشام الى مصر وكانت جمع غفير فجاءو واسكنهم بلبيس فى الشرقية وماحولهاوسرعان مالحقت بها قبائل غفيرة من القيسية
 يتبع

لماذا نكرة الحزب الوطنى؟

 موجود منذ 28 عاما بالتمام والكمال جاثم فوق صدورنا كحجر ثقيل منع عن شعب باكملة الماء والهواء
منع حقوق المصريين السياسية طيلة 3 عقود تزوير ارادة الشعب فى كل الانتخابات التى  اجريت فى عهدة   الاستموات فى وقف عجلة الزمن ومحاربة سنة الحياة فى التغيير وتعاقب الاجيال  خيث حتكر السلطة تماما مع فريق يكاد لايتغيرطيلة عقود صفوت الشريف فتحى سرور كمال الشاذلى مفيد شهاب ويوسف والى عاطف عبيد فاروق حسنى وباقى الفريق وجوة واحدة لمدة لا تقل عن 25 عاما تخلص النظام من بعضهم بعد سنوات ثقيلة اثقلت كاهل الشعب يعاونهم طاقم صحفى اعلامى كان من الاسباب الرئيسية لعذبات المواطنين وكراهيتهم للنظام ابراهيم سعدة سمير رجب ابراهيم نافع مرسى عطاللة اضمحلت الصحافة المصرية فى عهدهم الى الحضيض وسبقنا  الى الريادة الحقيقية دول اصغر حجما وكانت اقل تاثيرا اقل ما يقال عن الصحافة المصرية طوال تلك العقود صحافة بلا اى مصداقيةبلا اى طعم بلا اى حنكة صحفية  حتى الحوادث الجنائية كانت الصحافة بلا مصداقية جلب الحزب الوطنى رجال الاعمال الى قلب السلطة فازادوا ثراء فاحشا وازاد الشعب قهرا على قهر بوءسا على بوءسا وتم نهب القطاع العام وتخريبة قبل ان يباع اغلبة خردةوبثمن بخس كان فى قصة بيع مصانع الدخيلة للحديد الى امين التنظيم بالحزب الوطنى احمد عزا كبر مثال على المحسوبيةا كان على من يشا ان يبنى مصانع جديدة للحديد كما يشا وطبقا لاقتصاد السوق لاان ان يستولى على مصانع يملكها الشعب ويحتكر اهم منتج حيوى حيث تم تخريب مصانع الصلب بحلوان وتقفيل السوق لة وحدة لسنوات طويلة دليل محبطا للشعب على تغليب مصالح الخاصة على العامةوتم افتراس القطاع العام وارضية ومنشاتة ومعداتة كم تم نهب وتوزيع الاراضى او بيعها بجنية للمتر الواحد فى المدن الجديدة على محاسيب النظامالذى حققت المتاجرة بالاراضى الجديدة مكاسب هائلة ساهمت فى توسيع الهوة بين الطبقاتباحتصار لهف الحزب الوطنى ورجالة كعكة الاراض ى الجديدة وحدهم ورموا للشعب الفتات اكلوا وحدهم واكتفينا نحن باقى الشعب بالبحلقة لم يكسروا عيننا ولم يحرصوا على ان يكسروها منباب اطعم الفم تستحى العين فكان طبيعيا والشعب ومثقفية يروا كل هذا التفاواتالطبقى ان تثير الاحقاد وتحمل الحزب الوطنى سبب معاناتها فقد الحزب الوطنى كل مصداقيتة ان كان لة مصداقية من الاساس بعد سلسلة من التستر على قضايا ورموز نالت استنكار والما كبيرا من المواطن العادى هروب صاحب العبارة صديق زكريا عزمى و قضايا فساد متلاحقة فى مكتب فاروق حسنى والاصرار على استمرارةوالانكى تلطيخ اسم مصر بالاصرار على ترشيحة لليونسيكو ثم الطامة الكبرى ومنح ابراهيم سليمان وسام شرف وتلك وحدها ضاعفت كراهية واشمزاز بلا حدود لكل النظام كان منحة الوسام استخافا بالغا بكل مشاعر هذا الشعب وعدم اكتراث لكسب ادنى شعبية او محبة من الناس..

يتبع

هل من الممكن ان تضحى بحياتك من اجل مصر؟

ماذا لو سالك احدهم هذا السوال؟ ثم رزعك  ورائها اسطوانة متقولش اية اديتنا مصر قول حندى اية لمصر؟
خلق اللة الانسان وجعل فطرتة السليمة  ان يحب وطنة مكان ميلادة وموطن ناسة وجيرانة واهلة  من منا لايحب وطنة بل من لايحب بلادة فى اى بقعة على الارض حب الوطن فطرة لاتسطيع ان تمحوة من قلبة والتضحية من اجلة بحياتك فضيلة وقد كرم اللة الشهداء الذين يزودون عن اوطانهم فى كل الاديان السماوية وجعلهم أحياء عند ربهم يرزقون .كان ذلك مقدمة لان اسال نفسى  ممكن تضحى بحياتك  من اجل الوطن؟ هكذا سالت نفسى ويبدوا ان السوال كان من السذاجة   رسمت ابتسامة بلهاء على شفتى وكان ان اجبت على سوالى 
انت عبيط يا لا عايزن اموت عشان جمال مبارك واحمد عز والسلاب وصفوت الشريف  وفتحى سرور والفرقة دى كلهاولا ومش  بس لا وعيالهم كمان
                                                                                                                                               س : انا بقولك ممكن تموت عشان مصر اللى دخل الناس دى بقولك مصر
                                                                                                                                                                 ج: مهما دول مصر 
:ازاى
زى الناس   الفرقة او الطبقة دى قول حلقات اصغر فى اكبر فى اكبر هما دول اللى بيستفادوا من مصر وخير مصر كلة رايح ليهم  هما الى فى ايدهم البيزنس وهما اللى خدوا القروض من البنوك وهما اللى مصر طبطبطت عليهم يا ضنايا واديتهم اراضى المتر فيها بقرش  بكم  بقرش لكم بقرش وبعدين هما باعوة ب2000 وب 3000 جنية  كمان الفرقة دى هى اللى مصر  يا حبة عينى باعت ليهم القطاع العام طلعت اللقمة من بق باقى ولادها وجوعتهم وشحتتهم وسيبتهم عرايا واديت ولادها التانين ولاد البطة البيضا  خيرها ومصانعها ولا نسيتوا الدخيلة ومصانع الاسمنت والسنترالات وعمر افندى والموانى والشحن وكلة  الاتصالات حتى مصانع الاسمدة باعتها مصر  وجوعت الفلاح وغليت علية شكارة السماد من 5جنية ال 75 جنية كل حاجة كانت ليهم   فطبيعى هم بقى اللى يدافعوا عنها احنا مخدناش منها حاجة؟ ولا فى الفرح منسية والحزن مدعية؟
التعليم المجانى بوظوة علينا معدش فى تعليم مجانى فى دروس خصوصية   يعنى الغلابة بيتعلموا على حسابهم
طيب الصحة لو عيت او جالك مرض الدول حتتعالجك؟  حتترمى فى مستشفى وسخة تموت وتتعذب فيها من الاهمال وفقر الامكانات
طيب لو حصلتلك مشكلة ودخلت  قسم شرطة  حتحس ان الدولة معاك ولا عليك؟؟؟؟؟؟؟
طيب لو انت مسافر وحصتلك مشكلة ورحت السفارة طلبا للعون اية اللى حيحصلك  حيرموك برة لان هم مش ناقصين وجع دماغك ونت فى نظرهم اكيد اس البلاوى كلها؟ طيب سالت نفسك عمرك انتخبت او مارست حقك السياسى؟ انا فاكر اول مرة روحت اطلع بطاقة انتخابية وكان عمرى 18 سنة سنة 1987 مثلا هههه المخبر اللى على باب القسم قابلنى قالى  رايح فين فقلتلة عايز اطلع بطاقة انتخابية قاللى  يالة  ياد العب بعيد ولما فوجيت كيف يكلمنى بهذة الطريقة ونا الطالب الجامعى هههه كاد الامر ان يتطور الى ماهو ابعد من التطاول اللفظى حتى اطلقت ساقى للرياح
ان الوطن وللاسف  قد تامر على
اولادة فاستورد لهم المبيدات المسرطنة تقتل فيهم ببطى (اعلى نسبة للاصابة بالسرطان بالعالم) واعلى نسبة بالفشل الكلوى واعلى نسبة بفيرس سى الفشل الكبدى
ووووووو واخيرا اكتشفنا ان احنا بناكل مزروعات مروية بالمجارى؟!1 ياةةةةةةةةةةةةةةةةةةةةةةةةةةةةةةةةةةة
ناقص اية تانى طب اية الفرق بين الوطن والاعداء الاعداء ممكن يعملوا اية اكتر؟