مفاجاءة الشعب الاميركى شعب طيب !!

مفاجاءة الشعب الاميركى شعب طيب غير الصورة اللى فى اذهاننا بالمنطقة العربية ان الاميركى دموى محب للدماء الاميركى  العادى او رجل الشارع ناس عاديين يقابلك بابتسامة ولازم الصبح حتى لو ميعرفكش تقابلك او يحييك رجل الشرطة عادى بيكلم كويس حتى لم بيعرف انك مصرى او عربى الستات الكبيرة غاية بالطيبة انا بكلم عن اللى شوفتة يمكن فى تمييز عنصرية بس انا لحد الان بامانة مشفتش الاميركى العادى بقى ولايعرف مرسى ولاالاقباط ولاالاخوان المسلمين ومسمعش عن الفيلم الا بعد الضجة  اللى حصلت قدام السفااراات واللى فاكر ان المواطن الاميركى بيصحى الصبح يقول ياترى مرسى حيعمل معانا يبقى غلطان اساسا هم بيعرفوا مصر بالعافية ومن الهرم طبعا انا بكلمك عن المواطن الاميركى العادى كلة دة وحتى اسرائيل ولا بدماعة هو اللى فارق معاة البنزين بكام التهاردة لان البنزين كل يوم لية سعر والمحطات جمب بعض واسعار مختلفة اللى فارق معاة اللى بياثر بحياتة اليومية  كمان الاميركى لم توقفة وتسالة على اسم شارع يبقف ويهتم ويحاول يجاوبك ويشرحلك لكن طبعا الوضع مختلف عند النخب الاميركية والصحفيين ورجال السياسة والكونجرس والاعلام ومراكز الابحاث والجامعات بيعرفوا كتير طبعا وفى فلتات يعنى قابلت راجل ستينى هو ومراتة عارفيين دبة النملة بس طلع كان بيشتغل بالخارجية موظف عادى بالنسبة لموضوع الفيلم العادى لا يعرف شى عن الفيلم المسى الى الرسول الكريم وعندما تشرح لة االا وتسالة هل توافق ان يسب احد والديك فيرد لا بالقطع ..حسنا ان الرسول الكريم بالنسبة للمسلمين اغلى من ابائهم  امهاتم وابنائهمم فيستنكرالامر... لقد ايقظتنى صديقة اميركية مفظوعة اوة لقد قتلوا السفير الميركى بمصر ينهار بجد  يب  لقد فعلوها فى بنى جازى!! بنى جازى اية يمكن قصدها بنى سويف واية اللى يودى السفيربنى سويف وبعدين دى سفيرة مش سفير وبنى غازى مش فى مصر.. فتحت التلفزيون بسرعة ياستى نو نو بنى جازى ديفرنت كانترى  .. اة اوكيية  ردت ولكن اليست ليبيا فى مصر..  والهى  ياستى نو  ولكن االاف المصريين حول السفارة      ..دى ماشى بالقاهرة ولكن تعبيرعن الغضب من الفيلم ..اى فيلم شرحتلها   اوةة اوكيية   ثو زى نوت بيهايند القاعدة .. وقصدهاالمتظاهرين ...نو نوقاعدة اية! بس دول ناس على اللة.. الخلاصةوبامانة الناس هنا طيبين بجد ولا بيسالو اصلا دينك اية لافارق معاهم اصلا اكيد فى متعصبين وفى تمييز جايز بس بكلمك عن اللى شفتة انا وقابلتة وبس .

الخازووق العظيم !1خازووق ابو اسماعيل ! الخوازيق متعددة الانواع ولكن اعظمها الاميركانى

 الخازوق تاريخيا هو آلة او شكل هندسى ذور راس مدبب حاد يصنع من الحديد او الخشب وكان وسيلة للاعدام بالعصور الوسطى فى اوربا وفى الشرق ايضا واشهر من اعدموا علية الشهيد سليمان الحلبى قاتل الجنرال كليبر خليفة  نابليون بونابرت فى مصر لم اجد انسب من كلمة خازووق  لتفسير ماحدت لمرشح الرئاسة الجمهورية فى مصر فحازم ابو اسماعيل الذى كان قاب قوسين او ادنى من حكم مصر والاكثر ضجيجا والاكثر انصارا فجاءة ودون مقدمات تفجرت قضية ان والدتة اميركية   الان والان فقط وقبل غلق باب الترشيح بساعات وايام قليلة جدا تفجرت القضية  واووووو اممممم  خازوق ابو اسماعيل؟


شيئت ام ابيت تحب الرجل او تكرها سلفى كنت او ليبرالى عليك بالاعتراف انها لعبة بالمقص الشمال جون جامد بتاع لعيب محترف مش هاوى ولا عبيط والمقصود هنا خازوق السيد حازم ابو اسماعيل من ما لاشك فية ولا تردد ان... الشيخ حازم ابو اسماعيل لبس خازوق اسف بالتعبير ولكن مفيش وصف كلنا حاسين بية الا كلمة خازوق لاواية خازوق اصلى بتاع بلادة لاصينى ولاتايوانى ولاحتى مصرى خازوق اميركانى ولكن مين صاحب الخازوق تخطيط مين يعنى؟ اكاد اجزم انا ذلك الخازوق لم يخرج خارج اسوار المخابرات العامة المصرية فقد تركوا ابو اسماعيل يبرتع فى البلد وتركوا انصارة يجوبها من اليمين للشمال مرة حيغطوا الهرم ومرة حيمنعوا السياحة ومرة حيلغوا البنوك وسابوهو وسابو ابو اسماعيل يهرتل ويقول ويعيد ويبنى قاعدة وسابو التيار السلفى ينظم حياتة ومستقبلة على ابو اسماعيل ويحشدو انصار وتمويل وهما من الاول عارفين طبعا حكاية اختة وامة الاميركية بس مكشفوش الموضوع من الاول لالالا سابوة للوقت الحرج وقت قاتل مش لابو اسماعيل وبس للتيار بتاعة كلة دة مش شغل الامن الوطنى خازوق بالعمق والتكتيك دة ميخرجش عن المخابرات فلازال السيد عمر سليمان يستيقظ مبكرا ليذهب الى مقر المخابرات العامة يمارس دورا اشرافيا من احد المكاتب الصغيرة بداخلها المخابرات هى البيت الكبير للواء عمر سليمان كما ان اللواء مراد موافى تلميذة الوفى واختيارة الشخصى لخلافتة برياسة المخابرات وبالقطع المخابرات الجهاز الوحيد التى لم يتعرض لا للتطهير ولاتاهيل ولا حد لمس طوبة فية ولا يزال جهاز مرعب يبث الخوف والقشعريرة فى جموع الشعب ولايوجد عاقل ثورى او سلفى مقتنع ان المخابرات بتتفرج بس ولا تلعب الجيم معانا لا واية؟ متعرفش حاجة ولا راس حربة لنظام مبارك واعوانة بس من تحت لتحت وبهدوء وبتانى وبشغل ناس كبيرة ومعلم  توقيت تفجير قضية والدة ابو اسماعيل يقودك الى امران اولهم  ان ذلك نتيجة طبيعية لتحالف الاخوان والمجلس العسكرى رغم كل التمثيليات والافلام بينهم  واخرهم تمثلية اقالة حكومة الجنزورى شغلو ا الناس بيها وهم بيلعبوا على الاكبر من كدة بكتير كرسى الرياسة  فالمستفيد الاول هو خيرت الشاطر فاصوات السلفيين والتيار الاسلامى ستتوحد علية كم ان توقيت تفجير القضية كان متلازما مع قنبلة ترشيح خيرت الشاطر واقنبلة تاكيد اللواء عمر سليمان ترشيح نفسة هو الاخر وكدة المجلس العسكرى بيامن نفسة تماما فلو فاز الشاطر اههو فى اتفاق ولا وصلت لعمر سليمان حتى لو احتمال بعيد اهو برضة مننا  اةةةة يا بلد  و لسة فى كدة برضة؟

من هو ايقونة الثورة المصرية؟ شهيد الاسكندرية ام احمد حرارة؟

  كل ثورة لها ايقونة اسم علم شخصية تجمع الناس حولها ولايختلفون على تضحياتها وسموهااسم يجلة وينحنى لة الجميع عفوا اسم خالد سعيد لاينبغى لة ان يكون ايقونة الثورة المصرية مع كامل تقديرنا لة ولان الصفحات التى حملت اسمة اسهمت فى تجميع الثوار كما ان حادث مقتلة قد اسف لة الجميع وطريقة موتة اججت الشعور بالغضب تجاة النظام وشرطتة القاسية الغبية ولكن عفوا عفوا عليك ان تتذكر ان خالد سعيد نفسة لم يقدم نفسة فداء للوطن ولم يسعى لمقاومة النظام كما انة شهيدا بطريقة موتة لا بارادتة  اننا وبعد عام من ثورتنا النى شركنا فيها وضحينا من اجلها علينا ان نختار ايقونة عندما تذكر الثورة المصرية  تكون تلك الايقونة مرادفة لها لقد تحققت من قصص استشهاد الكثير من الشهداء الابرار الذين هبوا وخرجوا بارادتهم ولم يبالوا بالاخطار ولا بالاهوال وقدموا انفسهم بارادتهم فداء للوطن وللثورة وكلم يستحق ان يكون ايقونة للثورة ولا يوجد ولانقول ان هناك شهيد افضل من شهيد حاشا للة ولكن نختار اسم نجمع علية يكون رمزا لثورتنا وشخصيا ارى ان شهيد الاسكندرية الذى فتح صدرة ولم يبالى برصاص الشرطة قائلا لهم اطلقوا النار امام  احد اقسام الشرطة هناك كما هو واضح فى الفيديو الشهير والى الان لم تفصح اجهزة الامن ولم يتسنى للثوار معرفة شخصيتة  والشخص الاخر الموهل ليكون ايقونة الثورة ورمزها هو احمد حرارة طبيب الاسنان الذى فقد احد عينية فى 28 يناير فى جمعة الغضب ولكن ذلك لم يرهبة ولم يثنية عن النزول مرة اخرة وان يكون فى مقدمة الثوار وتشاء الاقدار ان يفقد العين الاخرى فى احداث محمد محمود الرهيبة التى اوقعت 43 شهيد من خيرة شباب مصر اننى اطرح عليكم ان تختاروا ايقونة لثورتنا ورمزا لشبابها وتعظيما لروح الفادء والعطاء فى ظل اول عيد لثورة شاركنا كلنا فى صنعها  ثورة شعب وامة

مدون ومرشح للثورة لمجلس الشعب عن دائرة حلوان والمعادى ! نصائح سيد البلطجى واالمهن الانتخابية اللى اول مرة اسمع عنها!

وهكذا حزمت امرى وتوكلت على اللة وتوجهت الى مجمع محاكم القاهرة الجديدة لتقديم اوراقى ترشحى لمجلس الشعب عن دائرة حلوان التى هى مسقط راسى ومدينتى اللى اعيش بها واعرف ناسها ويعروفننى جيدا وعلى مبادى الثورة التى هب من اجله المصريون ورغم اتساع الدائرة وشمولها المعادى والبساتين وطرة والتبين وحلوان ومايو  الا ان  الموضوع موضوع افكار اكتر يعنى مش قاصر على خدمات زى كل انتخابات ينى ممكن حتى لو انا مش من سكان المعادى او طرة مش مهم المهم باعبر عن افكارة ولالاوموقفة اية من الثورة المهم منذ انا ولدت انا اسكن ميدان المحطة بحلوان  وهو يقع امام محطة مترو الانفاق وهى منطقة تجارية تكاد تكون الاهم على مستوى القاهرة كلها  وذلك للكثافة السكانية الرهيبة التى صارت عليها المدينة فحلوان لم تعد تلك المدينى الهادئة التى نشانا فيها ويعرف اهلها بعضهم بالاسم فقد اضيف الى حلوان ثلاث مدن وهى مدينة 15 مايو وحى المشروع الاميركى اطلق علية الاسم لان كان نتيجة تعاون او تمويل اميركى لانعرف حقيقة التفاصيل ثم مدينة الزلزال وجذبت تلك الاحياء سكان من كل حدب وصوب اضافة الى ان المدينة الاساسية تم هدم فيلاتها وقصورها الباشوية واقامة ابراج شاهقة صنع من وراها البعض ملايين الملايين بلا مبالغة كم ان حلوان مدينة يسكنها اعداد قبطية لاباس بها وبها مدرسة عريقة من مدراس البعثات التبشيرية الكاثولكية وتتبع تلك المدرسة الفاتيكان مباشرة التى نشاءت باوائل القرن العشرين وهى مدرسة العائلة المقدسة  والتى قضيت بها دراستى الابتدائية  المهم عائلتى تمتلك محل متوسط لصناعة وبيع الحلويات فى ذلك الميدان المزدحم بكافة انواع البشر والتى افترشة الباعة الجائلون والبلطجية ولم يتركوا شبرا واحد تستطيع ان تمشى فية فى غياب امنى تام وشامل ومتعمد من قبل اجهزة الامن  من بعد الثورة ويسطر على الميدان مجموعة من البلطجية  الا والشهادة للة ان حظنا ان البلطجى الذى يسيطر على الرصيف امام منزلنا لم يكن بلطجى موذى او مسجل جرائم نفس او زى البلطجية الاخريين فى بقية الميدان هو اسمة سيد شاب نحيف اسمر من اصول صعيدية يقوم بتاجير الرصيف كل بائع عايز يفرش لازم ياجر منة ويدفعلة يومية مقابل ان يسمح لة بالتواجد عالرصيف او فى zone area بتعتة:) المهم سيد مثلا ممكن يشترى موتوسيكل تقسيط ويعمل محضر ان الموتسكيل اتسرق عشان ميدفعش الاقساط ممكن يجب بضاعة بشيكات وميدفعش نص حقها ممكن يهرب اسماك من بحيرة ناصر للقاهرة ممكن يفتعل مشاجرات لحساب اشخاص  يعنى تلك كانت نوعية الجرائم بتاعت جرائم لايت يعنى باختصار سيد شخصية كاريزمية بجد وذكى ودمة خفيف على كل تلك المواصفات وبالنسبة الى كان لازما على التاقلم مع جيرانى الجدد من البلطجية او الباعة الجائلين فالتعالى لايفيد كما ان  اننا كمواطنين عاديين يعنى نمتهن مهمن عادية كتجار او محاسبين او محامين او موظفين مش بتوع خناق ولا مشاجرات وبعد الثورة اصبحت ظهورنا مكشوفة تمام صرنا وجها لوجهة مع هولا حيث لاتوجد شرطة يمكن التهديد باستدعاءة ولا جيش صار المواطن العادى عريان من اى جهة امنية وطبعا دة مقصود طبعا  المهم وقبل شهرقولت اخد راى سيد فاخبرتة انى ناوى انزل الانتخابات  تفحصنى سيد جيدا وقاللى معاك كم وعامل ميزانية كام قولتلة لسة محسبتش قاللى اقل من مليون جنية مينفعش الفيلم دة يكلفك مليون جاهز قوللى قوللتة انا نازل على مبادى الثورة ومش حدفع مليم لحد كمان اللى بيصرف مليون دة يبقى ناوى يستردهم اضعاف مضاعفة  سيد قاللى ام تجهز بالارنب قولى وان افطمك افهمك يعنى اللبة ماشية ازاى وعدا الشهر وعرف سيد انى واخد الموضوع جد وجالى وملامح وجهة تكتسى بكل الجدية وباخوية سالنى قدمت الورق قلت لة ايوة  قاللى بص انا شخصيا مش عايز منك حاجة غير انك بالاخر تقدرنى لكن انت لازم تعمل اللى اقولك علية قلت خير نعمل اية طبعا نسيت اقولك ان سيد كان مشارك رئيسى بكل الانتخابات الللى حصلت بحلون بالسنين اللى فاتت شعب شورى كلة  قعدنا وفتح سيد خزينة افكارة الجهنمية  اولا لازم يكون معاك فريق يمشى وراك بكل حتة دى اول نصيحة والفريق دة بيتكون من دة شخصيات اساسية باى انتخابات 1- المتكلم  المتكلم دة شخص ذو صوت قوى يجيد الكلام واللغة العربية والتاثيربصوتة فى المواطنين كما انة يقدم الضويف بالموتمرات الانتخابية ويلف بالسيارات الحاملة للمكرفونات بالدائرة ودة شخص لاغنى عنة باى انتخابات 2- الصايحة من الصياح والصايحة شخصية مهمة تقوم باطلاق الزغاريد اما المرشح عند دخولة منطقة معينة ولازم اكتر من صايحة كمان من صميم عملها تجميع النسوان يوم الانتخابات من البيوت عشان ينتخبوا  قولت لة تمام يا سيد واية كمان قاللى 3- العتاولة مجموعة من الرجالة ذات الشكل المهيب واغلبهم صعايدة يلبسوا الزى الصعيدى والعمة  دول بقى لازم يمشوا معاك كتف بكتف لم تدخل اى عزاء او فرح بيعملوا هيبة للمرشح وخاصة فى اماكن تجمعات اهل الصعيد مش معقول تدخل بافنديات على ناس كلها ولاد بلد وصعايدة تمام ودول ميقولش عن 10 باى حال تمام واية كمان 4 السريحة ودول اللى حيمشو وراك باى مسيرة ويلفوا وراك ودول لازم يكونوا كتير والبلد ملاينة عواطلية

ثم سرح سيد شوى كان افتكر حاجة وقاللى بص فكرة مية مية قولت لة خير قاللى بص لازم مقر هنا ونعمل قعدة قولتلة منا عندى مكتب فوق قاللى لالا لازم مقر هنا فى الشارع وقعدة وترابيزات ونجيب طنطاوى قولتة مين دة قاللى دة واد قهوجى فراشة فى الجون يجى بعدتة الشعلة والخلاط وطول النهار يعمل ليمون وشاى وقهوة ولو السوق والفرشجية والبائيعن عرفو حتبقى قعدتهم كلها عندك واى مشوار اى مسيرة هما وراك قولت لة تمام استطرد سيد موضحا وبليل الحشيش عندى انا .... حشيش اية يا سيد !!!قالى اسمع الكلام لو الناس اكيفت حتنتخبك على طول كل يوم قرش حشيش قرشين يترقعوا  ونعمل بيهم واجب والناس جدعة وبتردالجميل وكل الشعب بيحشش  يا سيد انت كدة عايزنى افتح غرزة مش مقر انتخابى     وللحديث بقية   اسامة الحصرى

طريق الجعجعة والمزايدات لايزال شاقا وطويلا امام المصريين(لماذا لاتجرا النخبة المصرية على قول رايها انها تتمسك بالسلام مع اسرائيل) الشعب يريد استمرار السلام

حسنا عشت عمرى كلة على كراهية الجريمة الكبرى فى حق الانسانية التى تسمى اسرائيل وكقومى عروبى كنت دوما ضد اتفاقية كمب دايفيد او اسطبل دواود سمها ماشئيت وولكن وبعد مضى السنون ارى ان السلام مع اسرائيل هو مصلحة للطرفين خاصة بعد استرادد مصر ترابها الوطنى ولا توجد مشكلة مباشرة بين مصر واسرائيل باستثناء جريمة اسرائيل فى قتل جنودنا على الحدود ورفضها بصلفها المعهود الاعتذار والتعهد بعدم تكرارة حيث ان الوضع قد اختلف بعد الثورة عن قبل الثورة وخلع كنزهم الثمين مبارك  ان الرسالة التى اود ان يفهمها الاسرائليون هى كالتالى ان حماية المصالح الاسرائيلية هى شان اسرائيلى بحت لاشان لمصر بها فقد انتهى عهد ترتيبات المخابرات ومضت ايام عمر سليمان الى غير رجعة كما ان حصار مصر لغزة باى صورة مستحيل بالنسبة لكافة المصريين كما ان اى اعتداءت عشوائية وسفك دم مصرى مرة اخرى كفيل بتفجير كل الجسور وبالمقابل فاعتقد ان غالبية المصريين يويدون استمرار السلام مع اسرائيل كخيار استراتيجى ودائم فنحن ايضا لانريد الحرب ولانريد تدمير مقدرات الوطن ولانريد تقديم دما ابناءينا قرباناا لحماس او جيش الاسلام الفلسطينى او اى فصيل اخر الدم المصرى لن يسفك الا من اجل مصر وحدها لا لغيرها ان الثورة المصريةوالتى تشرفت ااننى واحد من الذين نادوا بها وشاركوا فيها بفعالية هى ثورة من اجل مصر من اجل بناء وطن قوة اقتصادية تغير حياة غالبية المصريين الى الافضل  لا الى الاسوء حياة كريمة ورعاية طبية وتوفير فرص عمل وتحويل وجة الحياة فى مصر وتنمية لسيناء  لذلك نحن نرفض واعتقد الغالبية من العقلاء فى مصر سياسين وناشطين ومثقفين محاولات توريط مصر ونرفض اقتحام سفارة اسرائيل لان ذلك يخل بالتزامات الدولة المصرية وتعهداتها الدولية  فى تلك الايام نبرة الجعجعة عالية اوى والجميع وخاصة من الكتاب والمفكرين يخشون الاتهام الجاهز انهم موالون و متعاطفين مع اسرائيل بذمتكو فى حد فى البلد متعاطف مع اسرائيل؟   لذلك رغم ان اقتحام السفارة واالفوضى التى حدثت استفزت الكثيرين ليس من اجل عيون اسرائيل بقدر ماهو نيل من الدولة المصرية ولكن كلة بيتكلم على استحياء لماذا لاتتحدث النخبة والثوار والسياسين على المكشوف ويقولوا لنا ماهو موقفهم من السلام كخيار استراتيجى للوطن على الاقل مرشحين الرياسة لازم يقولوا رايهم بوضوح شخصيا لن انتخب اى مرشح فى برنامجة شن حروب اوتهديد مقدرات الوطن   الشعب يريد استمرار السلام

ملاعيب الاخوان فى حلوان! خبث الاخوان الواضح للعيان

لايكف ولايكل ولايمل الاخوان المسلمون عن محاولة الاستيلاء على عقول البسطاء باسم الاسلام تارة وباسم تقديم الخدمات واقامة الاسواق وبشتى الطرق فالاخوان فى سعيهم الحثيث للاستيلاء والوصول الى السلطة مستعدون لفعل اى شى طالما يوصلهم لى الهدف المنشود .عند خروجى من المسجد بعد صلاة الجمعة فوجئت بولد صغير يوزع ورقة اعلانات ولكنى تجاهلت يدة ومضيت ولكنى لمحت كلمة الاخوان على طرف الورقة فعدت لاجد الورقة المرفقة وملخصها ان الاخوان يدعونكم لصلاة العيد لو على قد كدة كنا قولنا ماشى خير لكن الغريبة انهم عاملين سحب وجوائز  للمصلين ! احنا بقى مش رايحين نصلى ونحتفل بعيد الفطر رايحن حفلة ماهى الحفلات التى بيتوزع فيها جوائز ويتععمل فيها سحوبات مش بيوت اللة والجوائز انتريهات ولاب توب واجهزة منزلية واسكوتر الاطفال وطابعات كومبيوتر وسلع اخرى ابقى اتفضل واقرا الورقة  والاهم فى كل دة اية؟ نة مكتوب ان شرط دخول السحب ان لايقل السن عن 18 عاما ودة طبعا السن اللى يسمح فيها للفرد بالانتخاب ياةةةةة اية النصاحة دى لا ومش كدة وبس ظهر الورقة عشان تدخل السحب لازم تملا البيانات اللى هى اسمك سنك عنوانك موبايلك وكمان اية الرقم القومى  والايميل وتلفون المنزل مش الموبايل بس   لية بقى؟ عشان يبقى عندهم داتا ومعلومات كاملة عنك ويكلموك وقت الانتخابات عشان تنزل وتنصر الاسلام وتنتخب مرشحهم

ويدخخلوا البيانات على قاعدة معلوماتهم ويقدروا يفهموا منها مكانك وانت متعاطف معاهم ولالا ويعرفوا لجنتك الانتخابية كمان

خبث ولالا؟ ونصاحة زيادة عن اللزوم ولالا؟ واستغلال واضح للدين وللصلاة لاغراض انتخابية ولالا؟

الاجابة ليكوا انت

'الافاقون الجدد الدعى ممدوح حمزة كمثال (الثورة صنعت فى مكتبى) كداب ياخيشة

تبدو ثورة مصر فى يناير ثورة يتيمة بلا اب وكما قالت حكمة الشعوب قديما ان الهزيمة بلا اب ام النصر فلة الف اب وفى جراة يحسد عليها ممدوح حمزة فى حديث للمصرى اليوم تبجح فكذب فقال ان الثورة صنعت فى مكتبى  وهكذا تلبست هذا المهندس الاستشارى المرموق فى مهنتة تلبستة روح الزعيم سعد زغلول او الزعيم احمد عرابى او توهم نفسة فى لحظة ضعف امام جنون العظمة انة خالد الذكر جمال عبد الناصر وسط اركانة فى مجلس قيادة الثورة كان قولا مضحكا فمن يزعم او يجروء ان يزعم اننا كنا يوم دعينا ليوم 25 يناير ندعو او نتخيل ان الامور ستتحول الى ثور ولها قيادة  تقرروتوزع الادوار ترسل التعليمات  ان ه  وهكذا ولان احد قيادات 6 ابريل هو مدير المشروعات فى كتبة مكتبة يبدوا انة يقصد احمد ماهر فقد رجاءهم باعتبارة الاب الروحى والزعيم المعجبانى الى تاجيل الثورة كأن احمد ماهر او غيرة كان بايدهم وقف حركة الشعب والسيطرة على جموع الجماهير ودة ظلم لاحمد ماهر لو كان يقصدة . كدة خبط لزق   لن نناقش الكلام الفارغ الهايف دة تلك ثورة اكبر من يركبها افاق جعجاع يتكلم كثيرا ويزرب كثيرا على راى البورسعدية مزراب لقد رصدت اكثر من مرة ادعاءت هذا الرجل وكلامة الكتير وحبة للظهور الاعلامى والتنطيط على الثورة فمرة يقول ان انا اللى بعت البطاطين ميدان التحرير ياعم ماشى حتذلنا يعنى ؟ ولو انت نيتك خالصة اللى بيعمل جميل مش بيفضح الدنيا كل شوى يكلم يقولك البطاطين كنا نسميها ثورة البطاطين عشان خاطرك؟ طب ياخواننا اللى خد منة بطانية يرجعهالة  يتكلم ذلك المزراب كثيرا مرة يهاجم فاروق البازحسدا وغيرة فقط للفت الانظار ومشروعة ممر التنمية واخير قرر انة وباعتبارة غير راضى على اداء الثورة فسيحرم مصر والشعب المصرى من حل مشكلة التكدس السكانى وانة لن يتقدم ولن يفصح عن مشروعة لحل تلك المشكلة الا الا بعد تحسن اداء الثورة والثوار  ياعم اقعدلنا على جنب بقى!!1 مشكلة المجتمع الصحفى فى مصر بعد الثورة انة اتعود واتربى على انة الصحفى لازم ينفاق حد اى حد فى السلطة او موثر لذلك بعض الصحفيين فى مصر بيتحسسوا مراكز القوة فى الثورة عشان يبروزا اصحابها ويكون ليهم حظوة عندهم ومرة تصيب ومرة تخيب زى اللى فتحوا صفحاتهم لذلك الدعى  للحديث   كداب يا خيشة قال ثورة ومكتبى ههههه